Previous Version
Sunday, Jun 26, 2022  |  आईतवार, १२ आषाढ २०७९   |  नेपाली समय लोड हुदैछ...
रासस अध्यक्ष झाद्वारा पदबहाली हेटौंडा–बर्दघाट प्रसारण लाइनको अवरोध सर्वोच्चले खुलायो नेप्से परिसूचकमा उच्च अङ्कको वृद्धि बागमती प्रदेशसभा बैठक सोमबार बस्ने नागरिकता विधेयक अघि बढाउन सांसदको माग समाजको परिवर्तनका लागि विज्ञान प्रविधिको भूमिका महत्वपूर्ण ः प्रधानमन्त्री देउवा लोकसेवा आयोगको वार्षिक प्रतिवेदन प्रस्तुत पृथ्वीराजमार्ग पुनः अवरुद्ध घट्यो सवारीसाधनको भाडा पेस्तोल र गोलीसहित दुईजना पक्राउ जनप्रतिनिधिमूलक थलोलाई थप जनमुखी बनाउन क्रियाशील छु : सभामुख बजार अनुगमनः म्याद गुज्रेको सामान नष्ट स्वास्थ्य र शिक्षामा फाउण्डेशनको सहकार्य केही स्थानमा भारी वर्षाको सम्भावना शिवपुरी गाँउपालीकाको बजेट ५८ करोड ९३ लाख, शिवपुरी रोजगार क्लब खोलीने, यस्ता छन गाँउपालीकाका कार्यक्रम

वैशाख ५ भित्र हिन्दुराज्य र राजतन्त्र फिर्ता नदिए आयोगविरुद्ध उत्रिने मन्त्रीकै चेतावनी

शुक्रबार, १ बैशाख २०७४, सगरमाथा पोष्ट

काठमाडौंः सरकारमा उपप्रधानसहित स्थानीय विकास मन्त्रालय सम्हाल्दै आएका राष्ट्रिय प्रजातन्त्र पार्टीका अध्यक्ष कमल थापाले वैशाख ५ गतेसम्म आफ्नो पार्टीको विधानमा रहेको हिन्दुराज्य र राजतन्त्र शब्दावली फिर्र्ता लिन निर्वाचन आयोगलाई चेतावनी दिएका छन् । 

रिपोर्टर्स क्लवमा बोल्दै उनले आफ्नो पार्टीको विधान र प्रस्तावनामा उल्लेख भएका सनातन हिन्दूराष्ट्र र राजसंस्थासहितको लोकतन्त्र शब्द निर्वाचन आयोगले एकपक्षीय ढंगले हटाएको भन्दै आफूहरुले वैशाख ५ गतेसम्मको समय दिएको बताए । 

थापाले ५ गतेसम्म निर्णय पूर्नविचार गर्न आफूहरुले आयोगलाई पत्र दिइसकेको भन्दै आयोगले निर्णय पूर्नविचार नगरे ७४४ वटै स्थानीय तहमा आयोगको उक्त निर्णयको प्रतिलिपि जलाउने, ७५ वटै जिल्लाको सदरमुकाममा धर्ना तथा विरोध प्रदर्शन गर्ने बताए ।

उनले मधेसी मोर्चाले निर्वाचनमा भाग नलिए पनि तोकिएकै मितिमा चुनाव हुने र एकै चरणमा गराउने तयारीमा सरकार रहेको पनि खुलासा गरे । थापाले भने, ‘मोर्चाको माग सम्बोधन गर्नको लागि उनीहरुकै सहमतिमा अर्को संविधान संशोधन प्रस्ताव दर्ता गराएको खुलासा गरे । तर त्यसलाई अस्विकार गरेर उनीहरुले गम्भीर भुल गरेको उनको भनाई छ । 

‘अझै पनि मोर्चाले आफ्नो निर्णय पुर्नविचार गनुपर्छ, हाम्रो आग्रह यही हो’ – थापाले भने । राप्रपा अध्यक्षसमेत रहेका उनले भने, ‘मोर्चासँग अन्तिम समयसम्म पनि सहमतिको प्रयत्न रहन्छ, तर उहाँहरु नआए पनि निर्वाचन कुनै पनि पनि हालतमा रोक्दैनौं, यसबारेमा काँग्रेस, माओवादी केन्द्र र राप्रपाबीच सहमति भएको छ ।’ 

मोर्चाका नेताहरुसँग पाँच सुत्रीय भद्र सहमति भएको, जसअनुसार पूरानो विद्येयकबाट सीमांकनबाहेक भाषा, नागरिकता र राष्ट्रियसभाको प्रतिनिधित्वलाई नयाँमा राख्ने, सीमांकनलाई संघीय आयोग गठन गरेर जाने, संविधानको धारा २७४ परिमार्जन गर्ने, जनसंख्याको आधारमा स्थानीय तहको संख्या वृद्धि गर्ने सहमति भएको थापाले खुलासा गरे । 

उनले स्थानीय तहको चुनावमा राप्रपाले तालमेल गरेर जाने बताए । त्यस्तो तालमेल जुन दलसँग पनि हुनसक्ने थापाको भनाई थियो । तालमेल सिद्धान्तका लागि नभई चुनाव जित्नका लागि मात्रै हुने उनले स्पष्ट पारे ।


यसमा तपाईको प्रतिक्रिया (Comment)

भिडियोहरू