Previous Version
Thursday, Jun 17, 2021  |  बिहीवार, ३ आषाढ २०७८   |  नेपाली समय लोड हुदैछ...
स्वाभिमान सिन्धुली सहयोग अभियानले सङ्कलन गरेको राहत प्याकेज नेपाल रेडक्रस सोसाइटी जिल्ला शाखालाई हस्तान्तरण महामारी प्रतिकार्य र पुनरुत्थानका लागि १७ अर्ब ५५ करोड प्राप्त हुँदै मेची पुल बनेको तीन वर्षपछि मात्र बिहारले बनायो पहुँच मार्ग सर्लाहीका बजारमा विषादीयुक्त आँप छयाप्छयाप्ती नेपाली कांग्रेस (बिपी)का आयोजनामा रक्तदान छैटौँ पटक एक साताका लागि निषेधाज्ञा थप बाढीले निर्माणधीन पुल बगायो छोरीलाई जबरजस्ती करणी गरी हत्या गरेको आरोपमा बुबा पक्राउ थप क्षति हुन नदिन समन्वयात्मक ढंगले कार्य गर्न प्रधानमन्त्रीको निर्देशन विकासमैत्री कानून नहुँदा पूर्वाधार निर्माण असहज : मन्त्री पहाडी ‘होटल क्षेत्रमा तत्काल नयाँ तलबमान कार्यान्वयन गर्न सकिँदैन’ आज मिति २०७८ साल असार ३ गते बिहिबार, जुन १७, तपाँईको आजको दिन कस्तो हुनेछ ? चुरेका पहिरोपीडितको जङ्गलमा बास मेलम्ची खानेपानी आयोजनाका आठ सम्पर्कविहीन नदी कटान रोक्न योजना तर्जुमा

‘प्रसाद २’ मा दोहोरिने भए विपिन र नम्रता

बिहीवार, १८ भाद्र २०७७, सगरमाथा पोष्ट.
०७५ सालमा प्रदर्शनमा आएको दिनेश राउत निर्देशित तथा सुवास थापा निर्मित फिल्म ‘प्रसाद’ व्यावसायिक तथा समीक्षात्मक रुपमा सफल ठहरिएको थियो । यसका गीतसंगीत पनि दर्शकहरुले अत्याधिक रुचाएका थिए । नम्रता श्रेष्ठ, विपिन कार्की र निश्चल बस्नेत केन्द्रित भूमिकामा रहेको फिल्मले सन्तान नभएपछि दाम्पत्य जीवनमा आउने उतार-चढावको कथा पेश गरेको थियो । 
 
यतिबेला निर्माता सुवास थापा ‘प्रसाद’ को दोस्रो श्रृंखला निर्माणमा जुटेका छन् । कोरोनाको महामारी अन्त्यपछि छायांकनमा जाने गरि अहिले लेखक शुशील पौडेल स्क्रिप्टमा काम गरिरहेका छन् । ‘प्रसाद’ को कथा पनि उनैले तयार पारेका थिए । फिल्ममा निर्देशक भने परिवर्तन भएका छन् । सौरभ चौधरीले दिनेश राउतलाई रिप्लेस गर्दै फिल्म निर्देशनको जिम्मेवारी पाएका छन् ।
 
निर्देशक परिवर्तन भएका कारण ‘प्रसाद २’ मा विपिन, नम्रता र निश्चलले काम गर्ने सम्भावना न्यून रहेको चर्चा चलेको थियो । तर, विपिन र नम्रता फिल्म गर्न राजी भएका छन् । लेखक पौडेलका अनुसार, केही दिनअघि दुवैसँग कागजी सम्झौता भएको हो । निश्चलसँग मौखिक सहमति भए पनि निषेधाज्ञाका कारण भेट हुन नपाएका कारण कागजी सम्झौता हुन नसकेको उनले बताए । 
 
‘प्रसाद’ मा विपिन र नम्रता विवाहित जोडीको भूमिकामा थिए । यसको दोस्रो श्रृंखलामा भने उनीहरुबीच कसरी प्रेम अंकुराएको थियो भन्ने देखाइनेछ । नाम नै ब्रान्ड बनिसकेका कारण निर्माण नहुँदै ‘प्रसाद २’ प्रति दर्शकहरुको आशा र अपेक्षा उच्च छ । अभिनयमा उम्दा मानिने विपिन र नम्रता पुनः दोहोरिन तयार हुनुले फिल्मको स्क्रिप्ट तगडा बनेको हुनसक्ने धेरैको विश्वास छ ।

यसमा तपाईको प्रतिक्रिया (Comment)

भिडियोहरू