Previous Version
Thursday, Apr 22, 2021  |  बिहीवार, ९ बैशाख २०७८   |  नेपाली समय लोड हुदैछ...
शीर्ष तहमा संवादहीनता तोडिएसँगै एमालेमा सकारात्मक सन्देश पत्रकार अधिकारीको कोरोना भाइरस सङ्क्रमणबाट मृत्यु ‘आदेश उल्लङ्घन गर्नेलाई कारवाही’ बेनी–जोमसोम सडक दैनिक नौ घण्टा बन्द आज मिति २०७८ साल बैशाख ९ गते विहिबार , अप्रिल २२, तपाँईको आजको दिन कस्तो हुनेछ ? वीपी प्रतिष्ठानमा इमरजेन्सी विस्तार, आज भयो उद्घाटन स्वास्थ्य परीक्षण प्रतिवेदन अस्वीकार हुँदा विदेश हिँडेका १२२ यात्री विमानबाट ओरालिए एकैदिन २,३५१ सङ्क्रमित बिहीबार राति वीणा उल्का वर्षा माओवादी बैठक : समर्थन फिर्ताको निर्णय लिने अधिकार अध्यक्ष दाहाललाई एन्जल्स हार्ट यु–१३ छात्र जुनियर क्रिकेट लिग– २ को अन्तिम लिग खेलमा प्याट्रियोटिक सेमिफाइनलमा एनसेल टावर छेउमा फेला परेको बम निष्क्रिय त्रिविद्वारा भर्चुअलबाट कक्षा लिन निर्देशन सुदिपको स्वर, डि.पीको शब्दमा 'सोची हेरन' सार्वजनिक कोरोनाबाट हेटौँडा र वीरगञ्जमा मृत्यु

संकलन भयो राजस्व

झापामा ३९ हजार सवारी साधन कारवाहीमा परे, दुई करोड ४९ लाख ३९ हजार राजश्व संकलन

प्रहरी निरीक्षक राजेश राईका अनुसार चालू आवको फागुन मसान्तसम्ममा कारवाहीमा परेका चालकबाट उक्त राजश्व संकलन भएको हो

आईतवार, ११ चैत्र २०७४, सुरेन्द्र भण्डारी .

सुरुङ्गा, झापा, ११ चैत

चालू आर्थिक वर्षको आठ महिनामा झापामा ३९ हजार २५० सवारी साधन चालक कारवाहीमा परेका छन् ।

कारवाहीमा परेकामध्ये सबैभन्दा बढी मोटरसाइकल चालक रहेका छन् । जिल्ला ट्राफिक प्रहरी कार्यालयका अनुसार चालू आवमा कारवाहीमा परेका चालकबाट ट्राफिक प्रहरीले रु दुई करोड ४९ लाख ३९ हजार राजश्व संकलन गरेको छ ।

प्रहरी निरीक्षक राजेश राईका अनुसार चालू आवको फागुन मसान्तसम्ममा कारवाहीमा परेका चालकबाट उक्त राजश्व संकलन भएको हो । चालू आवको फागुन महिनामा मात्रै सबैभन्दा बढी राजश्व संकलन भएको थियो । प्रहरीका अनुसार फागुन महिनामा मात्रै पाँच हजार ९०० सवारी चालक कारवाहीमा पर्दा रु ५० लाख ९९ हजार राजश्व संकलन भएको हो ।

फागुन महिनामै दुई हजार एउटा मोटरसाइकल कारवाहीमा परेका छन् । जसबाट प्रहरीले रु १५ लाख ३० हजार ५०० राजश्व संकलन गरेको छ । त्यस्तै एक हजार ५१८ वटा ट्रक कारवाहीमा पर्दा रु १९ लाख ३८ हजार ५०० राजश्व संकलन भएको छ । ट्राफिक नियम उल्लंघन गर्नेमध्ये ७६२ वटा कार, जिप, भ्यानका चालक कारवाहीमा परेका छन् । जसबाट प्रहरीले रु पाँच लाख ९० हजार राजश्व संकलन गरेको छ ।

यता ६३२ वटा बस चालक करवाहीमा पर्दा रु चार लाख ३५ हजार राजश्व संकलन भएको छ । पाँच सय ८५ ट्र्याक्टर चालक कारवाहीमा पर्दा रु तीन लाख ८४ हजार ५०० राजश्व संकलन भएको बताइएको छ । त्यस्तै ४११ वटा ट्याम्पु र इ–रिक्सा कारवाहीमा पर्दा रु दुई लाख ४२ हजार राजश्व संकलन भएको जिल्ला ट्राफिक प्रहरी कार्यालयको तथ्यांकमा उल्लेख छ ।

अघिल्लो आव ट्राफिक प्रहरीले रु तीन करोड १० लाख ६० हजार राजश्व संकलन गरेको थियो । गत वर्ष ५२ हजार ६२७ सवारी चालक कारबाहीमा परेका थिए । गत वर्ष पनि सबैभन्दा बढी दुई पाङ्गे्र सवारी अर्थात् मोटरसाइकल चालक नै कारवाहीमा परेका थिए । गत वर्ष २१ हजार २५३ वटा मोटरसाइकल चालक कारवाहीमा परेका थिए ।

वर्षेनी सवारी चाप बढ्नु र ट्राफिक नियम जानाजान उल्लङ्घन गर्नुले बढी सवारी चालक कारवाहीमा पर्ने गरेको प्रहरी निरीक्षक राईको भनाइ थियो । उनले भने, “ट्राफिक नियम आफ्नै लागि हो भन्ने जान्दाजान्दै पनि सर्वसाधारणले ट्राफिक नियम पालना गर्दैनन् ।”

 

 

मापसे जरिवानामाबाट नौ लाख

मादक पदार्थ सेवन गरेर सवारी साधन चलाउनु हुँदैन भन्ने ज्ञान सबैलाई छ तर पनि अटेरी गर्दै मादक पदार्थ सेवन गर्ने र सवारी साधन चलाउने ९१३ चालकलाई गरिएको कारवाहीबाट ट्राफिक प्रहरीले चालू आवको १० महिनामा रु नौ लाख १३ हजार राजश्व संकलन गरेको हो ।

ट्राफिक प्रहरीले जिल्लाका विभिन्न स्थानमा नियमित जाँच र छड्के जाँचका क्रममा कारवाहीमा पर्ने सवारी चालकमध्ये सबैभन्दा बढी मोटरसाइकल चालक नै रहेका छन् । मादक पदार्थ सेवन गर्ने ६९९ मोटरसाइकल चालक कारवाहीमा परेको जिल्ला ट्राफिक प्रहरी कार्यालयले जनाएको छ ।

 

धमाधम जनचेतना तर व्यवहारमा शून्य

जिल्ला ट्राफिक प्रहरी कार्यालयले जिल्लाका विभिन्न स्थानमा दिनहुँजसो सवारी दुर्घटना न्यूनीकरणका लागि जनचेतनामूलक कार्यक्रम सञ्चालन गर्ने गरेको छ । तर शिक्षित व्यक्ति नै दुर्घटनामा बढी पर्ने गरेका हुन् । विद्यालयस्तरबाटै ट्राफिक प्रहरीले सचेतनामूलक कार्यक्रम सञ्चालन गरे पनि सिकेको ज्ञानलाई व्यवहारमा नउतार्दा दुर्घटना न्यूनीकरण हुन सकेको छैन ।

चालू आवमा मात्रै ट्राफिक प्रहरीले तीन हजार ३९३ विद्यार्थीलाई ट्राफिक नियमका विषयमा जानकारी गराएको छ । २३ वटा विभिन्न विद्यालयमा प्रहरीले फरक फरक मितिमा कार्यक्रम गर्दै चेतना अभिवृद्धि गरे पनि प्रहरीले चलाएको अभियान सफल हुन सकेको छैन ।

ट्राफिक प्रहरीले सामुदायिक सेवामार्फत व्यावसायिक चालक तथा परिचालक र सर्वसाधारणलाई पनि सचेतना जगाउन कार्यक्रम सञ्चालन गरेको छ ।

 


यसमा तपाईको प्रतिक्रिया (Comment)

थप समाचारहरु


भिडियोहरू