Previous Version
Saturday, Jun 19, 2021  |  शनिबार, ५ आषाढ २०७८   |  नेपाली समय लोड हुदैछ...
ढुङ्गा, गिटी र बालुवा निकासी गर्ने योजना कार्यान्वयन नगर्न सर्वोच्चको आदेश महासचिव पोखरेलबाट विकास योजनाको निरीक्षण पार्टी आधिकारिकताका लागि जसपा यादव पक्ष निर्वाचन आयोगमा तटीय क्षेत्रमा सतर्कता अपनाउन आग्रह आयल निगमद्वारा बाढीपीडितलाई ग्यास सिलिण्डर र चुल्हो सहयोग एमाले संसदीय दल : मन्त्रीलाई तत्काल राजीनामा दिन निर्देशन विषादीयुक्त आँप बिक्री दश हजारकाे एकैपटक एन्टिजिन र पिसिआर परीक्षण गरिँदै बेपत्ता भनिएका सकुशल फेला बाढीले दोलालघाट पुरानो बजार क्षेत्रका ११ घर डुबानमा स्वास्थ्य मापदण्ड अपनाएर व्यवसाय सञ्चालन गर्न पाउनुपर्ने माग सेतीमा पानीको बहाव बढ्यो, सतर्क रहन आग्रह बागलुङमा विपद् : ४१ परिवार विस्थापित, ७ घर उच्च जोखिममा निरन्तर हावाहुरी, पानीका कारण बेपत्ताको खोजी अझै हुन सकेन उपत्यका छिर्ने नाकामा ‘भेइकल क्लिनिङ सेन्टर’ स्थापना

निकुञ्जका जनावरलाई अवरोध नहुने गरी द्रुतमार्ग निर्माण गर्न सुझाव

जनावरलाई भविष्यमा आवतजावत गर्ने समस्या नहोस् भनेर हाइब्रिज वे बनाउन नेपाली सेनाका सहायक रथी भरतबहादुर खड्कासमक्ष जानकारी

मंगलवार, ४ पौष २०७४, वीरेन्द्र कर्ण .

वीरगञ्ज, ४ पुस ।

निकुञ्जभित्र रहेका जनावरलाई आवतजावत गर्ने मार्गलाई ध्यानमा राखी निजगढ–काठमाडौँ द्रुतमार्ग निर्माण गर्न पर्सा राष्ट्रिय निकुञ्जले नेपाली सेनालाई ध्यानाकर्षण गराएको छ । 

पर्सा राष्ट्रिय निकुञ्जबाट निस्कने हात्ती, गैँडा, बाघलगायतका जनावर बकैया नागमणि सामुदायिक वन क्षेत्रको बाटो भएर आवतजावत गर्ने भएकाले द्रुतमार्ग (फास्ट ट्र्याक) निर्माण गर्दा करिब एक किमीसम्म हाइब्रिज वे बनाउनुपर्ने सुझाव दिएको निकुञ्जका प्रमुख संरक्षण अधिकृत हरिभक्त आचार्यले बताए । 

निकुञ्जभित्र रहेका हात्ती, बाघ, गैँडालगायतका जनावरले वर्षांैदेखि प्रयोग गर्दै आएको मार्गमा द्रुतमार्ग बन्न लागेपछि निकुञ्जले चासो देखाएको हो । निकुञ्जभित्र रहेका हात्तीलगायतका जंगली जनावर आधार क्षेत्रदेखि निजगढसम्मको जंगल क्षेत्रभित्र पुरानो बाटो प्रयोग गर्दै आएकाले ती जनावरलाई भविष्यमा आवतजावत गर्ने समस्या नहोस् भनेर हाइब्रिज वे बनाउन नेपाली सेनाका सहायक रथी भरतबहादुर खड्कासमक्ष जानकारी गराइएको वार्डेन आचार्यले बताए । 

बहुप्रतिक्षित आयोजनाका रुपमा रहेको निजगढ–काठमाडौँ द्रुतमार्गको काम आगाडि बढ्ने क्रममा नागमणि सामुदायिक वनका रुख निजगढमा काट्ने काम भइरहेकाले हाइब्रिज वे निर्माणपछि सडक मुनिबाट जनावरलाई आवतजावत गर्न सजिलो हुने समूहका अध्यक्ष रविराज दंगालले बताए । 

छसय २७ वर्ग किमीमा फैलिएको सो निकुञ्जबाट जनावर रौतहटको जंगलसम्म जाने गरेको र जनावर आवतजावत गर्दा सवारी साधनमा ठोक्किन सक्ने सम्भावनालाई दृष्टिगत गरी हात्ती, बाघ, गैँडालगायतका जनावरलाई आवतजावतमा सजिलो होस् भनेर आकाशेपुल बनाउनु पर्ने माग निकुञ्जले गरेको छ । 

जैविक विविधताले भरिएको निकुञ्जभित्र हात्ती, गैँडा, बाघ, मृग, बाह्रसिंगे, नीलगाई, भालु, विश्वबाटै लोप हुन लागेको काँडेभ्याकुर, सारस, अजिंगरजस्ता जनावर तथा पक्षी छन् । द्रुतमार्ग निर्माणको जिम्मा पाएको नेपाली सेनाले त्यस क्षेत्रमा रुख कटानको काम अगाडि बढाएको छ । पूर्व–पश्चिम महेन्द्र राजमार्गसँग जोडिएका बारा जिल्लाको बकैयास्थित नागमणि वन समूहको वन क्षेत्रबाट रुख काट्ने काम हाल शुरु गरिएको छ । चारवर्षभित्र चार लेनको द्रुतमार्ग निर्माण गर्ने उद्देश्यले शुरु गरिएको हो । 

पथलैया—निजगढ सडकखण्डको लालगढी हुँदै भरतपुरी, धियालगढी, मकवानपुरको पञ्चकन्या, काठमाडौँको दक्षिणकाली हुँदै ललितपुरको खोकनासम्म सो मार्ग निर्माण हुनेछ । ७६.२ किमी लम्बाइ रहेको द्रूतमार्गको समतलमा चौडाइ २५ मिटर हुनेछ भने पहाडी भेगमा २३ मिटर हुनेछ । द्रुतमार्गमा ९९ वटा पुल, दुई किमी सुरुङ मार्ग तथा आवश्कतानुसार पर्खालसमेत हुनेछन् । 

आर्थिक वर्ष २०७३-७४ को बजेटमा सरकारले द्रुतमार्गको निर्माणका लागि रु १० अर्ब विनियोजन गरिसकेको छ । गत जेठ २० गते तत्कालीन प्रधानमन्त्री पुष्पकमल दाहाल ‘प्रचण्ड’ले सो द्रुतमार्गको शिलान्यास गरेका थिए । रु एक खर्ब १२ अर्ब अनुमानित लागत रहेको सो द्रुतमार्गको ट्र्याक २०७० सालमा नेपाली सेनाले खोलेको थियो । सो मार्ग निर्माण भएपछि तराईलाई काठमाडौँसँग जोड्ने सबैभन्दा छोटो दूरीको बाटो यही हुनेछ । रासस 


यसमा तपाईको प्रतिक्रिया (Comment)

थप समाचारहरु


भिडियोहरू