Previous Version
Sunday, Mar 07, 2021  |  आईतवार, २३ फागुन २०७७   |  नेपाली समय लोड हुदैछ...
प्रदेश प्रमुख डा झाद्वारा सडक दुर्घटनाका घाइतेको उद्धार गाँजासहित तीन पक्राउ वर्तमान सरकारले देशमा समृद्धि ल्याउँछ : मुख्यमन्त्री पौडेल नागरिकता ऐन पारित गर्न माग साहित्य पुरस्कार डा लम्साललाई खाँदबारीमा प्रम रोजगार कार्यक्रमः २७६ रोजगार भूमि आयोगको कार्यालय स्थापना आपराधिक गतिविधि नियन्त्रण गर्न सिसिटिभी क्यामरा जडान महिला, किशोरीलाई आत्मसुरक्षा तालीम जङ्गलमै अलपत्र स्लेट खानी ज्येष्ठ नागरिकलाई खोप लगाउन ४८ खोप केन्द्र तोकिए महाशिवरात्रिका लागि पशुपति क्षेत्रमा ११ समिति सक्रिय ‘मेक इन नेपाल स्वदेशी–अभियान’ अन्तरआत्मामा लागेको विषय : राष्ट्रपति ५२ थान चोरीका मोबाइल सहित ४ जना पक्राउ नेपाल(पाकिस्तान फ्रेन्डसिप क्रिकेट सुरु

कांग्रेसद्वारा आन्दोलनका थप कार्यक्रम सार्वजनिक

बुद्धबार, १४ माघ २०७७, सगरमाथा पोष्ट.
काठमाण्डौं नेपाली कांग्रेसले प्रतिनिधिसभा विघटनविरुद्ध आन्दोलनका थप कार्यक्रम सार्वजनिक गरेको छ । कांग्रेसको आज बसेको केन्द्रीय कार्यसमितिको बैठकले यही माघ १९ गते पार्टीका भ्रातृ संस्थाले र माघ २४ गते शुभेच्छुक संस्थाले ७७ वटै जिल्लामा संयुक्तरुपले विरोध प्रदर्शन र विरोध सभाको आयोजना गर्ने निर्णय गरेको छ । यसैगरी आगामी फागुन ३ गते कांग्रेस जिल्ला कार्यसमितिले जिल्ला सदरमुकाममा विरोध प्रदर्शन र सभाको आयोजना गर्ने निर्णय गरिएको कांग्रेस मुख्यसचिव कृष्णप्रसाद पौडेलले जानकारी दिनुभयो । केन्द्रबाट तोकिएका कार्यक्रमबाहेक जिल्ला कार्यसमितिलगायत पार्टीका विभिन्न निकाय र भ्रातृ एवं शुभेच्छुक संस्थाले विरोधका कार्यक्रम तय गरी सञ्चालन गर्ने उहाँले बताउनुभयो । कांग्रेसले यसअघि संसद् विघटनविरुद्ध गत पुस १३ गते १६५ सङ्घीय निर्वाचन क्षेत्रमा, पुस २५ गते ३३० प्रदेशसभा निर्वाचन क्षेत्रमा, माघ ३ गते ७५३ पालिकामा र माघ ८ गते छ हजार ७४३ वडामा विरोध प्रदर्शन र सभा सम्पन्न गरिसकेको छ । संसद् विघटनविरुद्ध यही माघ १२ गते राजधानीमा समाजका विभिन्न क्षेत्रका नागरिकले गरेको प्रदर्शनमा सरकारले बल प्रयोग गरेको भन्दै बैठकले घटनालाई गम्भीरतापूर्वक लिएको जनाएको छ । कांग्रेसले शान्तिपूर्णरुपमा गरिएको प्रदर्शनमा लाठी चार्ज, अश्रुग्यास तथा पानीको फोहरा प्रहार हुँदा घाइते भएका सबै आन्दोलनकारीको शीघ्र स्वास्थ्यलाभको कामना गर्दै सरकारले गरेको बल प्रयोगको घटनाप्रति निन्दा गरेको छ । बैठकले संसारको दोस्रो अग्लो हिमाल ‘केटू’ को सफल आरोहण गर्ने आरोही निर्मल पुर्जासहित दश नेपाली युवालाई उच्च सम्मानसहित विशेष बधाई ज्ञापन गरेको छ । बैठकले पार्टीको स्थानीय तह सङ्गठन पुनःसंरचनाको समायोजन कार्य ७४ जिल्लामा पूरा गरी केन्द्रीय कार्यसमितिलाई २०७७ गत पुस ३ गते लिखित जानकारी गराएकोमा केन्द्रीय निर्वाचन समितिलाई धन्यवाद प्रकट गरेको छ । बैठकले पार्टी पदावधि समाप्त भएका भ्रातृ सङ्घ नेपाल महिला सङ्घ, नेपाल तरुण दल, नेपाल विद्यार्थी सङ्घ, नेपाल भूतपूर्व सैनिक सङ्घ, नेपाल प्रजातन्त्र सेनानी सङ्घ, नेपाल किसान सङ्घ, नेपाल दलित सङ्घ, नेपाल आदिवासी जनजाति सङ्घ, राष्ट्रिय लोकतान्त्रिक अपाङ्ग सङ्घ, नेपाल तामाङ सङ्घ र नेपाल ठाकुर समाजको पदावधि समाप्त भएको मितिले छ महिनाका लागि थप गर्ने निर्णय गरेको छ । विदेशस्थित पार्टीका नेपाली जनसम्पर्क समिति कतार, बहराइन, मलेसिया र साउदी अरबबाट पार्टीको विधान र नियमावलीबमोजिमको आवश्यक प्रक्रिया पु¥याई क्रियाशील सदस्यताको नयाँ र नवीकरणतर्फको नामावलीको सूची र सोबापतको सदस्यता शुल्कसमेत दाखिला हुन आएकाले उक्त जनसम्पर्क समितिबाट प्राप्त क्रियाशील सदस्यतालाई स्वीकृत गर्ने बैठकले निर्णय गरेको छ । कांग्रेसले प्रक्रिया पूरा गरी यूरोपस्थित माल्टामा बसोबास गरिरहेका लोकतन्त्रवादी नेपालीको सक्रियतामा जनवरी २५, सन् २०२० मा नेपाली जनसम्पर्क तदर्थ समिति गठन गरी आबद्धताका लागि निवेदनसहित आवश्यक कागजात पेश गरेकाले नेपाली जनसम्पर्क तदर्थ समिति माल्टालाई पार्टीसँगको आबद्धता प्रदान गर्ने निर्णय पनि गरेको छ । सभापति शेरबहादुर देउवाको सभापतित्वमा बसेको बैठकमा महामन्त्री पूर्णबहादुर खड्काले प्रस्तुत गर्नुभएका प्रस्ताव बैठकबाट सर्वसम्मत पारित भएको थियो भने आजको बैठकमा वरिष्ठ नेता रामचन्द्र पौडेल र केन्द्रीय सदस्य नरहरि आचार्यले आफ्नो धारणा राख्नुभएको थियो । –––

यसमा तपाईको प्रतिक्रिया (Comment)

भिडियोहरू