Previous Version
Thursday, Feb 25, 2021  |  बिहीवार, १३ फागुन २०७७   |  नेपाली समय लोड हुदैछ...
फैसलाले मुलुकलाई सङ्कटबाट जोगायो : वरिष्ठ नेता पौडेल दृढताका साथ समृद्धिको यात्रामा अघि बढ्नेछु : प्रधानमन्त्री ॐ अस्पतालको मेडिकल डाइरेक्टरमा डा. हरिश जोशी नियुक्त नेपाल किराँत राई संघ केन्द्रीय समितिको तदर्थ समिति गठन, सभापतिमा धर्मराज राई महासंघ प्रतिनिधी मण्डल र श्रम मन्त्री बीच भेटवार्ता शिक्षा, विज्ञान तथा प्रविधि मन्त्री कृष्णगोपाल श्रेष्ठले कसैले राजिनामा दे भन्दैमा प्रधानमन्त्रीले राजिनामा नदिने स्पष्ट पार्नुभयो । ‘प्रधानमन्त्रीले संकटकाल लगाउन सक्दैनन्, कुनैपनि नयाँ प्रकारको शासन गर्ने वैद्यता नै छैन्’ ‘संवैधानिक नियुक्तीहरु सबै खारेज हुन्छन्’ खोप लगाउने सङ्ख्या लक्ष्यभन्दा आधा कम सुदूरपश्चिम प्रदेश : सरकार गठनको तीन वर्ष सभा छाडेर काठमाडौँ फर्कनुभयो अध्यक्षद्वय नेता गौतमद्वारा सचिवालय बैठक बोलाउन माग जस्तोसुकै परिस्थिति आए पनि सामना गर्न तयार : प्रधानमन्त्री प्रतिनिधिसभा पुनःस्थापना गर्ने सर्वोच्चको फैसला शेयर बजारमा करेक्सन, नेप्सेमा दोहोरो अङ्कको गिरावट डिजिटल अनुगमन प्रणाली : ढुृवानीमा कैफियत गर्नेलाई धमाधम समाइँदै

दश दिने ‘विपश्यना’ ध्यानमा रेखा

बिहीवार, १८ भाद्र २०७७, सगरमाथा पोष्ट.
कोरोना भाइरसको महामारी नफैलिएको भए यतिबेला अभिनेत्री रेखा थापा नयाँ फिल्मको छायांकनमा व्यस्त हुने थिइन् । तर, संक्रमण फैलिन नदिन सरकारले लकडाउन घोषणा गरेपछि फिल्म फ्लोरमा जान सकेन । सविर श्रेष्ठले निर्देशन गर्ने फिल्ममा उनको जोडीको रुपमा अभिनेता सौगात मल्ल देखिँदैछन् । अब दशैंअघि फिल्मको छायांकन सुरु हुने सम्भावना न्यून छ ।
 
लकडाउनको समयमा रेखाले फिल्मका लागि आफ्नो शरीर स्लिम बनाएकी छन् । व्यायाम गर्न थालेको केही महिनामा २० केजी तौल घटाएकी उनले ५/७ वर्ष खानामा ध्यान नदिएका कारण मोटाएको बताउने गरेकी थिइन् । अब भने उनले आफ्नो शरीरलाई ब्यालेन्समा ल्याइसकेकी छन् । जिमखाना बन्द भएपछि उनले आफू बस्ने अपार्टमेन्टको कम्पाउन्डमा व्यायाम गर्दै आएकी छन् ।
 
यसबीच, रेखा मंगलवारबाट कठोर ध्यानमा बसेकी छन् । उनी दश दिने मौन व्रत बसेकी हुन् । यो समयमा उनले मोबाइल चलाउन पाउने छैनन् र दिनमा एक पटक मात्र खाना खानेछिन् । साथै, उनले दैनिक १७ घण्टासम्म साधना गर्नुपर्ने छ । मनलाई एकाग्र बनाउन, मनभित्रका लोभ-मोह हटाउन, शरीरलाई सकारात्मक उर्जा प्रदान गर्न उनी ‘विपश्यना’ ध्यानमा बसेकी हुन् । 
 
एक समय नेपाली फिल्ममा आफ्नो दबदबा कायम गरेकी उनी पछिल्लो पटक फिल्म ‘मालिका’ मा देखिएकी थिइन् । आफ्नो काँधमा बोकेर फिल्म सफल बनाउन सक्ने ल्याकत भएकी उनले आफूलाई अभिनेत्रीसँगै गायिका, निर्देशक, संगीतकार, निर्माता र राजनीतिज्ञको रुपमा पनि चिनाइसकेकी छन् । चर्चा र विवादमा छाइरहने उनको दश दिने मौन व्रत सफल होस्, शुभकामना ।

यसमा तपाईको प्रतिक्रिया (Comment)

भिडियोहरू