Previous Version
Saturday, May 15, 2021  |  शनिबार, १ जेष्ठ २०७८   |  नेपाली समय लोड हुदैछ...
घरमा अक्सिजन सिलिण्डर नराख्न मन्त्रालयको आग्रह आठ हजार सङ्क्रमित थपः निकोदर ७४ प्रतिशत भक्तपुर अस्पतालले पनि अक्सिजन प्लान्ट राख्ने कोभिडको लडाइँमा हातेमालो गर्न सात अस्पतालसँग सम्झौता तारकेश्वर काँग्रेसले साङलाको आइसोलेसनका लागि अक्सीजन सिलिण्डर सहित डक्टरको व्यवस्था गर्ने नयाँ सरकार गठनसँगै सबै निकाय कोभिडविरुद्ध सक्रिय अक्सिजन अभावले वीरको नयाँ भवन सञ्चालनमा समस्या पिसिआर टेष्ट गरेर मात्र नेपाल जान कोलकाता महावाणिज्यदूतावासको आग्रह रातो मच्छिन्द्रनाथको रथ तानिँदै मनाङमा कोरोना सङ्क्रमितको उपचारमा समस्या समयमानै तयारी गर्न नसक्दा तोकिए भन्दा आधा कम बेड सहित तारकेश्वरको साङलामा आइसोलेसन सञ्चालन हुने हेटौँडा अस्पतालमा अक्सिजन कन्सन्ट्रेटर फौजीकिराले मकैबाली नष्ट सुर्खेतमा १५ दिन थपियो निषेधाज्ञा एमाले विवाद समाधान गर्न कार्यदल गठन गरिने

सडकमा पैदलयात्रुका लागि बनाइएका ‘जेब्राक्रसिङ’को सङ्केत मेटिएपछि वारपार गर्न कठिनाइ

सङ्केत मेटिएपछि जेब्राक्रसिङमा चालकले सवारीसाधनको गति तीव्र पार्ने गरेका कारण यात्रुलाई बाटो काट्न कठिन हुने गरेको छ

मंगलवार, २ असोज २०७५, सगरमाथा पोष्ट

बाँके, २ असोज 

जिल्लाका अधिकांश सडकमा वारपार गर्न पैदलयात्रुलाई कठिनाइ हुने गरेको छ । 

सडकमा पैदलयात्रुका लागि बनाइएका ‘जेब्राक्रसिङ’को सङ्केत मेटिएपछि समस्या भएको हो । सङ्केत मेटिएपछि जेब्राक्रसिङमा चालकले सवारीसाधनको गति तीव्र पार्ने गरेका कारण यात्रुलाई बाटो काट्न कठिन हुने गरेको छ । 

नियमानुसार जेब्राक्रसिङ्मा पैदलयात्रुलाई प्राथमिकता दिनुपर्छ । चालकले त्यसको ख्याल कमै गर्ने गरेको पाइएको छ । 

“चालकले रोक्नु त परै जाओस् अत्यधिक गतिमा सवारीसाधन हाँक्ने गरेको गुनासो पैदलयात्रुले गर्ने गरेका छन्,” बाँकेका ट्राफिक प्रहरी प्रमुख प्रहरी निरीक्षक हिरेन्द्र रोकायाले भने, “चालकले पैदलयात्रुलाई प्राथमिकता नदिँदा दुर्घटना हुने गरेको पाइएको छ ।” चालकले जेब्राक्रसिङ्को नियम मिच्ने गरेका छन् । जेब्राक्रसिङमा गति कम नगर्ने चालकलाई कारबाही गरिने प्रहरी निरीक्षक रोकायाले बताए । 

“जनशक्ति पर्याप्त नहुँदा सबैतिर हेर्न सकिएको छैन,” उनले भने । नेपालगञ्ज र कोहलपुरका सडकमा बत्ती जडान हुन नसक्दासमेत समस्या भएको छ । हातको इसाराकै भरमा सवारीसाधनको व्यवस्थापन गर्नुपर्ने अवस्था छ । कतिपय पैदलयात्रुले सडक पार गर्न जेब्राक्रसिङको प्रयोग गर्न ध्यान नदिएको पाइएको छ । “कतिपय पैदलयात्रुले जेब्राक्रसिङबारे ध्यान दिँदैनन्, जता पायो उतैबाट सडक पार गर्छन्,” रोकाया भने । 

सवारीसाधन र पैदलयात्रुको सङ्ख्या वृद्धि भएपछि समस्या झनझन बढ्दै गएको छ । यस्तो अवस्थामा पूर्वाधारसहितका व्यवस्थित जेब्राक्रसिङ आवश्यक छ । पैदलयात्रुलाई ट्राफिक नियमबारे अवगत गराउनु आवश्यक भएको प्रहरी निरीक्षक रोकाया बताए । ट्राफिक प्रहरीले सिठ्ठी बजाएर मात्रै ट्राफिक व्यवस्थापन गर्न गाह्रो भएको उनको भनाइ छ । जिल्लामा हाल ६३ ट्राफिक प्रहरी कार्यरत छन् । तेइस जना दरबन्दीमा कार्यरत छन् भने अन्य काजमा काम गर्दैआएका छन् । 


यसमा तपाईको प्रतिक्रिया (Comment)

थप समाचारहरु


भिडियोहरू