Previous Version
Thursday, Apr 22, 2021  |  बिहीवार, ९ बैशाख २०७८   |  नेपाली समय लोड हुदैछ...
शीर्ष तहमा संवादहीनता तोडिएसँगै एमालेमा सकारात्मक सन्देश पत्रकार अधिकारीको कोरोना भाइरस सङ्क्रमणबाट मृत्यु ‘आदेश उल्लङ्घन गर्नेलाई कारवाही’ बेनी–जोमसोम सडक दैनिक नौ घण्टा बन्द आज मिति २०७८ साल बैशाख ९ गते विहिबार , अप्रिल २२, तपाँईको आजको दिन कस्तो हुनेछ ? वीपी प्रतिष्ठानमा इमरजेन्सी विस्तार, आज भयो उद्घाटन स्वास्थ्य परीक्षण प्रतिवेदन अस्वीकार हुँदा विदेश हिँडेका १२२ यात्री विमानबाट ओरालिए एकैदिन २,३५१ सङ्क्रमित बिहीबार राति वीणा उल्का वर्षा माओवादी बैठक : समर्थन फिर्ताको निर्णय लिने अधिकार अध्यक्ष दाहाललाई एन्जल्स हार्ट यु–१३ छात्र जुनियर क्रिकेट लिग– २ को अन्तिम लिग खेलमा प्याट्रियोटिक सेमिफाइनलमा एनसेल टावर छेउमा फेला परेको बम निष्क्रिय त्रिविद्वारा भर्चुअलबाट कक्षा लिन निर्देशन सुदिपको स्वर, डि.पीको शब्दमा 'सोची हेरन' सार्वजनिक कोरोनाबाट हेटौँडा र वीरगञ्जमा मृत्यु

विश्वकप फुटबल

मेस्सीका फ्यानहरु निराश नहुनुहोस्, यसो भएमा अर्जेन्टिना अझै पनि जान सक्छ अन्तिम १६ मा

शुक्रबारको खेलमा हालसम्म शून्य अंकमा खुम्चिएको नाइजेरियाले जितेमा अर्जेन्टिनाको आश अलि बलियो बन्ने छ

शुक्रबार, ८ आषाढ २०७५, सगरमाथा पोष्ट

काठमाडौं, ८ असार

विश्वकपमा गत शनिबार अर्जेन्टिना समूह ‘डी’ को पहिलो खेलमा आइसल्याण्डसँग १-१ को बराबरीमा रोकियो ।

बिहीबार राति क्रोएसियासँग ३-० ले हार्न पुग्यो । अर्जेन्टिनाको यो हारसँगै मेस्सीका फ्यानहरु निराश बनेका छन् । किनभने विश्वकप विजेताको दाबेदार अर्जेन्टिना समूह चरणबाटै बाहिरिने पो हो कि भन्ने चिन्ता मेस्सीका फ्यानहरुमा देखिएको छ ।

बिहीबार क्रोएसियासँगको हारपछि अब नकआउट चरणमा जाने अर्जेन्टिनाको सम्भावना कमजोर बनेको छ । अघिल्लो चरण्ण जान उसले आफ्नो खेलमा सुधार गरेर मात्र पुग्दैन अरुको खेलमा पनि भर पर्नुपर्छ । यद्यपि, असम्भव नै भइसकेको छैन । त्यसैले अहिले नै मेस्सीका फ्यानहरुले निराश भइहाल्नुपर्ने अवस्था छैन ।

अहिलेसम्म दुई खेलमा ६ अंक लिएको क्रोएसिया नकआउट चरणमा पुगिसकेको छ । अर्जेन्टिना र आइसल्याण्डको एक/एक अंक छ । समूह डीको पु्छारमा रहेको नाइजेरियाको भने शून्य अंक छ ।

 

नाइजेरियाले जित्दा अर्जेन्टिनालाई फाइदा !

अर्जेन्टिनाको विश्वकप यात्रा कस्तो हुने भन्ने शुक्रबार (आज) राति पौने ९ बजे हुने आइसल्याण्ड र नाइजेरियाको खेलमा पनि धेरै भर पर्नेछ । यसपछि अर्जेन्टिनाले समूह चरणको आफ्नो अन्तिम खेल नाइजेरियासँगै असार १२ गते राति पौने १२ बजे खेल्नेछ ।

अर्जेन्टिनी फुटबल समर्थकले अहिले सोचिरहेको कुरा हो, आजको खेल आइसल्याण्डले नजितोस्, कि नाइजेरियाले जितोस् कि त बराबरी खेलिदिउन् । त्यसपछि क्रोएसियाले आइसल्याण्डलाई हराइदेओस् । यस्तो हुँदा अर्जेन्टिनाले नाइजेरियालाई हराएमा अघिल्लो चरणमा पुग्न सक्छ ।

आजको खेलमा हालसम्म शून्य अंकमा खुम्चिएको नाइजेरियाले जितेमा अर्जेन्टिनाको आश अलि बलियो बन्ने छ । तर, अर्जेन्टिनासँग बराबरी खेलेर एक अंक जोडेको आइसल्याण्डले खेल जितेमा भने अर्जेन्टिनाको सम्भावना अझै कमजोर हुनेछ ।

किनभने, आज नाइजेरियाले हार्‍यो भने आइसल्याण्डले ३ अंक थप्ने छ र उसको अंक चार पुग्नेछ । आइसल्याण्डले आज ४ अंक जोड्यो भने अर्जेन्टिनाले असार १२ गते नाइजेरियालाई हराए पनि नकआउट चरणमा छनोट हुन नाइजेरियालाई धेरै गोल अन्तरले हराउनुपर्नेछ । किनकि, नाइजेरिया र आइसल्याण्डको ४/४ अंक भएमा जसको गोल संख्या बढी हुन्छ, उही छानिनेछ । यस्तो अवस्थामा पनि समूह चरणको अन्तिम खेलमा क्रोएसियाले आइसल्याण्डलाई हराएमा मात्र अर्जेन्टिनाको अन्तिम १६ को बाटो खुल्नेछ ।

आजको खेलमा नाइजेरिया र आइसल्याण्ड बराबरीमा रोकिए भने नाइजेरियाको १ र आइसल्याण्डको २ अंब हुनेछ । यो स्थितिमा असार १२ गते अर्जेन्टिनाले नाइजेरियालाई हरायो भने ऊ ४ अंक बनाएर अघिल्लो चरणमा उक्लिन सक्छ ।

तर, यहाँ सम्झनुपर्ने कुरा के छ भने आइसल्याण्ड र क्रोएसियाबीचको अन्तिम खेल बाँकी नै छ । यदि नाइजेरियासँग बराबरी खेलेर आइल्याण्डले क्रोएसियालाई हरायो भने मेस्सीमा फ्यानहरुसँग निराश हुनुको विकल्प छैन । तथापि आइल्याण्ड र क्रोएसियाले बराबरी अंक बाँडे भने अर्जेन्टिनालाई फाइदा पुग्छ ।

 

कमजोर छैनन् नाइजेरिया र आइसल्याण्ड

सोचेका सबै कुरा अर्जेन्टिनाकै पक्षमा भए पनि समूह चरणको अन्तिम खेलको प्रतिद्वन्द्वी नाइजेरिया पनि धेरै बलियो टिम हो । केही महिनाअघि नाइजेरियासँगको मैत्रीपूर्ण खेलमा अर्जेन्टिनाले ४-२ को पराजय बेहोरेको थियो ।

अर्जेन्टिना रुसमा धेरै समस्या बोकेर आएको टिम हो भन्नेमा अब खेलले नै पुष्टि गरिसकेको छ । विश्वकप सुरु हुनुअघि अर्जेन्टिनी फुटबल एशोसियसनको जेरुसेलममा हुने भनिएको इजरायलसँगको मैत्रीपूर्ण खेल रद्द गर्ने निर्णयले राष्ट्रिय टिमको विश्वकप तयारीलाई समेत ओझेलमा पारेको थियो ।

त्यो राजनीतिसँग पनि जोडिएको सरकारकै भूमिकामा भएको विषय थियो । त्यसको असर अर्जेन्टिनाले हाइटी जस्तो कमजोर टिमसँग मैत्रीपूर्ण खेल खेल्यो र टिम राम्रो भएको विश्वास बनायो ।

आइसल्याण्डसँगको पहिलो खेलमा नै त्यो देखियो । १९ औं मिनेटमा सर्जियो अग्युरोले धेरै समयपछि राष्ट्रिय टिमको लागि गोल गर्दै अग्रता दिलाएका थिए तर, त्यसको चार मिनेटमा नै आइसल्याण्डले गोल फर्काएको थियो ।

जहाँ आश गरिएका मेस्सीले पेनाल्टी मिस गरे । पूरा देशको जिम्मेवारी एउटाको टाउकोमा थुपारेर विश्वकप जित्ने आश गरेको अर्जेन्टिनी टिममा मेस्सीले पेनाल्टीमा गोल नगर्नु पनि उनलाई परेको दबाब नै मुख्य कारण हो ।

क्रोएसियासँगको खेलमा त कमजोरीको लामो सूची नै छ । गोलकिपर, डिफेन्स, मिडफिल्ड सबैतिर नै बिगि्ररहेका बेला फरवार्ड ‘स्टार’ भएरै त कसरी खेल जितिएला र ?

अर्जेन्टिनाका प्रशिक्षक जर्ज साम्पोलीको फुटबल धेरै नै जटिल छ र यसलाई सुधार्न धेरै लगाव चाहिन्छ । यसको प्रमाण स्वरुप सन् २०१५ मा चिलीले अर्जेन्टिनालाई हराएर कोपा अमेरिका जितेको नतिजालाई लिन सकिन्छ ।

अर्जेन्टिनालाई साम्पोलीको मातहत सबै कुरा एकैचोटी ठीक गर्न समय नै भएन । सेभिल्लाका यी पूर्वप्रशिक्षक विश्वकपको छनोट चरणमा एडगार्डो बाउजालाई विस्थापित गर्दै अर्जेन्टिनाको विश्वकप जित्ने सपना साकार बनाउने उद्देश्यले आएका थिए ।

अर्जेन्टिनालाई रुससम्म लैजान त उनी सफल भए तर उनीहरुले स्पष्ट खेल देखाउन सकेका छैनन् । यस्तोमा आउँदो खेलमा पनि निराशा देखाउने भन्दा भएको टिमबाट राम्रो कसरी गर्ने भन्नेमा विशेष ध्यान पुर्‍याउन जरुरी देखिन्छ । एउटै खेलाडीको निर्भरतालाई कम गरेर किपरदेखि मिडफिल्डसम्म सुधार गर्नुपर्छ ।

विश्वकपमा छनोट हुनको लागि पनि इक्वेडरसँग छनोटको फाइनल राउण्डमा अर्जेन्टिनालाई लियोनेल मेस्सीको हृयाटि्रक आवश्यक भयो । यसले अर्जेन्टिनाको खेल रणनीतिको बारेमा थोरै र उनीहरुको मेस्सी प्रतिको निर्भरतालाई धेरै जनाउँछ ।

त्यस्तै उक्त खेललाई साम्पोलीको नेतृत्वमा अर्जेन्टिनाले खेलेको एकमात्र उत्कृष्ट खेललाई जनाउँछ । त्यसअघि अर्जेन्टिनाले लगातार तीन खेल बराबरी खेलेको थियो र दुईपटकको विश्वविजेतालाई प्रतियोगिताबाटै बाहिर बनाउने हो कि भन्ने डर उत्पन्न भएको थियो ।

यहाँ बिर्सन नहुने कुरा अघिल्लो विश्वकपमा फाइनलसम्म पुगेको अर्जेन्टिनी टिममा पनि स्टार खेलाडीहरु हुँदा हुँदै उत्कृष्ट तालमेलको अभाव भने खड्किएको थियो । त्यसबेला अर्जेन्टिनाले मेस्सीमा मात्रै भर परेको टिम भनेर आलोचना खेपेको थियो तर अहिले पनि टिमको स्थिति सुधार हुनुभन्दा झन् खस्किएको छ ।

 

मेस्सीका फ्यानहरुले अन्तिम आशा गर्ने ठाउँ

यो सबै हुँदा हुँदा पनि अर्जेन्टिनी समर्थक निराश भएर सबै सकियो सोचेर बस्नु राम्रो होइन । विश्वकपमा ३२ देशका ७ सय ३६ खेलाडी छन् । रुसबाट घर फर्किने बेला विश्व विजेता बनेर उदाउने टिम एउटै नै हो । अनि चर्चामा आउने खेलाडी केहीको संख्यामा ।

अरुमा निर्भर पर्नुपरे पनि अन्तिम खेलमा नाइजेरियासँग केही हुन्छ कि भन्ने आश राखिरहनु नै मेस्सीका समर्थकको भलाइमा छ । त्यसमा केही भएन नै भने पनि अर्जेन्टिनी फुटबल चार वर्षपछिको विश्वकपमा राम्रो बन्ला भन्ने सोच्नु नै उत्तम हुन्छ । मेस्सीका समर्थकका लागि क्लब फुटबल छँदै छ ।

विश्वकप फुटबलमा नपुग्ने तर विश्वकपको ज्वरोले नराम्ररी समात्ने देशमा टिम छनोटको आधार के होलान् ? विगत, खेलाडी, क्लब फुटबल, खेलशैली, राजनीतिक मेल या जर्सीको रंग ? समर्थनको आधार जे सुकै भए पनि जित्नै पर्ने र नजित्दा सबै सकिने सोच भने हटाउनु नै असल हुन्छ ।

खेलको मर्म बुझेर हार जित दुवैको खेलपरक बुझाइ समर्थकहरुमा पनि खाँचो छ । दुई पटकको विश्व विजेता बनेको टिम हो अर्जेन्टिना । हुन त अहिले विश्वकपमा अर्जेन्टिनाको समर्थन गर्नेहरुले पहिले जितेकै आधारमा पनि समर्थन गरेका होइनन् नै ।

किनभने, सन् १९३० देखि २०१४ सम्म १६ पटक विश्वकप खेलेको अर्जेन्टिनाले विश्वकप जितेको वर्षौं बित्यो । सन् १९७८ र १९८६ मा विश्वकप जितेको अर्जेन्टिनाले त्यसकै आधारमा हरेक विश्वकपमा दाबेदार टिमको नाम पाइरहेको छ । त्यसका लागि योग्य खेलाडी र प्रशिक्षक पनि छन् । छैन त खेलका लागि चाहिने तालमेल ।

इतिहास हेर्ने हो भने पाँच पटक सेमिफाइनलमा पुगेको अर्जेन्टिना पाँचपटक नै विश्वकपको फाइनलमा पनि पुगेको छ । चारपटक क्वार्टरफाइनलमा पराजित भएको छ ।

यो विश्वकपका लागि कठिन यात्रा गरेको अर्जेन्टिनाको सम्भावनालाई स्टार स्ट्राइकर लियोनल मेस्सीकै कारण पनि धेरैले नकारेका छैनन् । उनी टिमबिना केही गर्ने फुटबल जादुगर नै त होइनन् तर उनको खेलशैलीले कुन बेला टिमका लागि महत्वपूर्ण काम गरिदिन्छन् यसै भन्न सकिँदैन ।

निलो र सेतो जर्सी नफापेको मेस्सी क्रोएसियासँगको पीडादायक हारपछि मैदानमा एकछिन नअडी सिधै भित्र गएका थिए । यसले उनमा कति पीडा होला भन्ने अनुमान सहजै लगाउन सकिन्छ । आउँदो खेलमा अहिलेको हारलाई भने उनले बिर्सनै पर्छ ।

यसपटक विश्वकपमा नपुग्ला कि भन्ने ढुकढुकी भइरहेका बेला मेस्सीले नै विश्वकप यात्रा गराएका थिए । यसैले नकआउट चरणमा नपुग्लाकी भन्ने सोचिरहेका बेला उनैको खेलले नयाँ उचाइ नलेला भन्न पनि सकिँदैन । त्यसका लागि नाइजेरिया र आइसल्याण्डबीच हुने खेलको नतिजाकै पर्खाइमा छन् अर्जेन्टिनी फुटबल समर्थक ।


यसमा तपाईको प्रतिक्रिया (Comment)

भिडियोहरू