बरण्डा भत्किँदा ३६ विद्यार्थी घाइते १ विद्यार्थीको अवस्था गम्भीर  |  न्हूदँ शुभकामना सभामा प्रधानमन्त्री ओली सरिक हुनुहुने  |  करारका चिकित्सकका भरमा जाजरकोट अस्पताल  |  चाबहिलमा पुरानो घर भत्काउने क्रममा दुई घाइते  |  नेकपा नेतामाथि चन्द समूहको आक्रमण  |  कतारको श्रम कानूनमा सुधारः लाखौँ आप्रवासी कामदार लाभान्वित हुने  |  डोजर चालकविरुद्ध ज्यानमार्ने उद्योगमा मुद्दा दर्ता  |  त्रिवि जनप्रशासन विभागमा तालाबन्दी  |  भोटेकोशीमा अन्तरराष्ट्रिय प्रतियोगिता : ३० देशका ४०० खेलाडी सहभागी हुने  |  सामाजिक अभियन्ता तथा राजनीतिज्ञ निलकण्ठ पौडेलले “ग्लोबल सिटिजन्स” अन्तराष्ट्रिय पुरस्कार पाए
राजनीति
Aug 31, 2019
नेकपाको अन्तरपार्टी निर्देशन–२ जारीः विशेष अभियान सञ्चालन गरिने
काठमाडौँ, भदौ १४  ।  नेपाल कम्युनिष्ट पार्टी (नेकपा)ले अन्तरपार्टी निर्देशन–२ जारी गरेको छ । पार्टी अध्यक्ष पुष्पकमल दाहाल ‘प्रचण्ड’ द्वारा आज जारी गरिएको निर्देशन–२ मा गत जेठ २ देखि यही भदौ ५ सम्म अध्यक्षद्वय केपी शर्मा ओली र दाहालको अध्यक्षतामा र भदौ ९ गते अध्यक्ष दाहालको अध्यक्षतामा बसेको सचिवालय बैठकका निर्णयका आधारमा निर्देशन–२ जारी गरिएको जनाइएको छ । निर्देशन–२ मा निर्णयको महत्वलाई गम्भीरतापूर्वक आत्मसात् गर्न र आआफ्नो कार्यक्षेत्रमा प्रभावकारी रुपमा कार्यान्वयन गर्न समेत अध्यक्ष दाहालले निर्देशन दिनुभएको छ । यसअघि नेकपाले पार्टी एकता सम्पन्न भएपछि केन्द्रीय कमिटी, स्थायी कमिटी र सचिवालयका निर्णयका आधारमा अन्तरपार्टी निर्देशन–१, विशेष परिपत्र–१, २, ३ र ४ जारी गरेको थियो । निर्देशन २ मा देशव्यापी रुपमा नेकपाले विशेष राष्ट्रिय अभियान सञ्चालन गर्ने भनिएको छ । ‘‘पार्टीले समस्त नेता, कार्यकर्ता एवम् सदस्यलाई जनतासँंग जोड्ने र आम समुदायलाई सरकारद्वारा संञ्चालित विकास, समृद्धि र सामाजिक न्यायसहितको महाअभियानसँंग जोड्ने गरी विशेष राष्ट्रिय अभियान सञ्चालन गर्ने छ ।’’ अध्यक्ष दाहालद्वारा जारी गरिएको निर्देशन–२ मा भनिएको छ । निर्देशन–२ मा २२ जनवर्गीय सङ्गठनको एकता, केन्द्रीय सदस्यको कार्यविभाजन, वरिष्ठ नेताको मर्यादाक्रम र केन्द्रीय कमिटीमा सचिवालय सदस्य वामदेव गौतमलाई पार्टी केन्द्रीय उपाध्यक्षको जिम्मेवारी प्रदान गर्न स्थायी कमिटीसमक्ष प्रस्ताव लैजाने निर्णय, जिल्ला कमिटीहरुको एकीकरणका सम्बन्धमा, केन्द्रीय सदस्य मनोनयन, अनुशासन पालना र पार्टी अध्यक्ष तथा प्रधानमन्त्री ओलीको शीघ्र स्वास्थ्यलाभको कामनाको प्रस्ताव पारित गरिएका निर्णय छन् । निर्देशनमा पार्टी एकता तीन महिनामा सक्ने भनिए तापनि अपेक्षा गरेभन्दा बढी नै समय लिएको उहाँले उल्लेख गर्नुभएको छ । ‘‘हामीले एकताका बाँकी कामहरु तीन महिनाभित्र सम्पन्न गर्ने निर्णय गरेका थियाँै । राष्ट्रिय राजनीतिले सिर्जना गरेका नयाँनयाँ जिम्मेवारी र मूलतः सहमतिका साथ एकता–एकीकरणका बाँकी काम सम्पन्न गर्न हाम्रो उत्कृष्ट चाहनासमेतका कारणले गर्दा पूर्वघोषित तीन महिनाभित्र एकताका बाँकी काम सम्पन्न गर्न सम्भव भएन’’, निर्देशनमा भनिएको छ, ‘‘ अपेक्षा गरेभन्दा बढी नै समय लिएर मूलतः सहमति र समझदारीका साथ एकताको काम अघि बढेको छ र अन्तिम चरणमा पुुगेको छ । हामी छिट्टै एकताको बाँकी काम सम्पन्न गर्ने छौँ । चाँडै पार्टी स्थायी कमिटी र केन्द्रीय कमिटीको बैठक आयोजना गर्नेछाँै ।’’


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video