बरण्डा भत्किँदा ३६ विद्यार्थी घाइते १ विद्यार्थीको अवस्था गम्भीर  |  न्हूदँ शुभकामना सभामा प्रधानमन्त्री ओली सरिक हुनुहुने  |  करारका चिकित्सकका भरमा जाजरकोट अस्पताल  |  चाबहिलमा पुरानो घर भत्काउने क्रममा दुई घाइते  |  नेकपा नेतामाथि चन्द समूहको आक्रमण  |  कतारको श्रम कानूनमा सुधारः लाखौँ आप्रवासी कामदार लाभान्वित हुने  |  डोजर चालकविरुद्ध ज्यानमार्ने उद्योगमा मुद्दा दर्ता  |  त्रिवि जनप्रशासन विभागमा तालाबन्दी  |  भोटेकोशीमा अन्तरराष्ट्रिय प्रतियोगिता : ३० देशका ४०० खेलाडी सहभागी हुने  |  सामाजिक अभियन्ता तथा राजनीतिज्ञ निलकण्ठ पौडेलले “ग्लोबल सिटिजन्स” अन्तराष्ट्रिय पुरस्कार पाए
राजनीति
Jul 15, 2019
प्रदेश विपद् व्यवस्थापन परिषद्को आकस्मिक बैठक
सुर्खेत,असार ३० कर्णाली प्रदेश विपद् व्यवस्थापन परिषद्को आज आकस्मिक बैठक बसेको छ । कर्णाली प्रदेश सरकारका मुख्यमन्त्री महेन्द्रबहादुर शाहीको अध्यक्षतामा बैठक बसेको हो । बैठकले असार महीनामा कर्णाली प्रदेशमा भएका विपद्का घटनाको समीक्षा गरेको छ । विशेषगरी मुड्केचुला–१ डोल्पामा बाढीमा परी बेपत्ता भएका नौ जनाको उद्धार कार्यलाई तीव्र बनाउने र मृतकका परिवारलाई राहत दिने निर्णय गरेको छ । परिषद् बैठकमा मुख्यमन्त्री शाहीले रु ४० हजारबाट बढाएर प्रतिमृतक परिवारलाई रु एक लाख किरिया खर्च दिने र घर नै नभएकाको क्षति यकिन गरी प्रदेश सरकारले घर निर्माणमा सहयोग गर्ने बताउनुभयो । यस प्रदेशका १० जिल्लामा घट्ने विपद्सम्बन्धी घटनाको शीघ्र जानकारी दिन विभागीय मन्त्रालय र सबै सुरक्षा निकायलाई उहाँले निर्देशन दिनुभएको छ । “अहिले प्रदेश अनुकूल विपद्सम्बन्धीको कानून निर्माण हुन सकेको छैन”, मुख्यमन्त्री शाहीले भन्नुभयो, “विद्यमान सङ्घीय कानूनमा टेकेर सुरक्षा बल, कर्मचारी, सामाजिक सङ्घसंस्था र स्थानीयको समन्वय तथा सहकार्यमा विपद् प्रतिकार्य, उद्धार तथा राहतको काममा साउन महीनाभरि लागौँ ।” उहाँले नेपाली सेनाको उत्तरपश्चिम पृतना मुख्यालय, प्रदेश सशस्त्र तथा जनपथ प्रहरीअन्तर्गत १० जिल्लामा रहेका सबै प्रहरी युनिट परिचालन गर्न निर्देशन दिनुभएको छ । सङ्घीय सरकारले नदिए भाडामा हेलिकप्टर लिन्छौँ मुख्यमन्त्री शाहीले सङ्घीय विपद् परिषद्ले कर्णाली प्रदेशमा आइपर्ने विपद्मा उद्धार तथा राहत दिने निर्णय गरे पनि त्यसको कार्यान्वयन नभएको गुनासो गर्नुभयो । उहाँले भन्नुभयो, “कर्णालीको विकट भूगोल भएकाले विपद्को समयमा राजधानी सुर्खेतमा सरकारको हेलिकप्टर तयारी अवस्थामा राख्ने भन्ने थियो तर हेलिकप्टर नै छैन । हेलिकप्टरका निम्ति सङ्घीय सरकारसँग अनुरोध गर्छौं र भएन भने साउन महीनाका लागि भाडामा लिएर काम कारवाही अगाडि बढाउँछौँ ।” परिषद् बैठकबाटै मुख्यमन्त्री शाहीले सुर्खेत–दैलेख, कालीकोट–जुम्ला, छिन्चु–जाजरकोट, कपुरकोट–रुकुमपश्चिम जोड्ने सडकमा आउने कुनै पनि अवरोध हटाउन डोजर तयारीका लागि भौतिक पूर्वाधार विकासमन्त्री खड्क खत्री, चिकित्सक र औषधि तयारीका लागि सामाजिक विकासमन्त्री दल रावल, बोटिङका लागि उद्योग, पर्यटन, वन तथा वातावरणमन्त्री नन्दसिंह बुढा र सुरक्षा एवं हेलिकप्टर तयारीका लागि आन्तरिक मामिला तथा कानूनमन्त्री नरेश भण्डारीलाई निर्देशन दिनुभएको छ । त्यसैगरी परिषद् बैठकमा नेपाली सेना, प्रहरी, रेडक्रस, च्याम्बर अफ कमर्स, अपाङ्ग महासङ्घ नेपालसँग भएको मौजुदा सामग्री प्रयोग गर्ने र आवश्यक सामग्री खरीद गर्ने, विपद्मा आवश्यक हुने खाद्यान्नका लागि नेपाल खाद्य संस्थानसँग प्रदेश सरकारले एक सय क्विन्टल चामल किन्नेसमेत निर्णय गरिएको छ । यता आन्तरिक मामिला तथा कानूनमन्त्री भण्डारीले विपत्ति बाजा बजाएर नआउने भएकाले शीघ्ररूपमा यसको पूर्वतयारीको कार्ययोजना निर्माण गरेर अघि बढ्ने बताउनुभयो । विपद् प्रतिकार्यका लागि आगामी वर्षमा नमूना अभ्यास, गोदाम घर निर्माण र सेटेलाइट सम्पर्कलाई मजबुत बनाउने बताउनुभएका कानूनमन्त्री भण्डारीले चालू आवमा सुर्खेतमा २०७१ सालका बाढीपीडितले ८० प्रतिशत पहिलो किस्ताबापत प्राप्त गरेको जानकारी दिनुभएको थियो ।


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video