समाज
Mar 16, 2020
दिगोपनाको अवधारणाअनुसार वन व्यवस्थापनको काम गर्न निर्देशन
अत्तरिया,  चैत ३ सुदूरपश्चिम प्रदेशको अर्थ, विकास तथा प्राकृतिक स्रोत समितिले कैलाली र कञ्चनपुरमा वैज्ञानिक वन व्यवस्थापन लागू भएका वनको स्थलगत अनुगमन गरिएको छ । वन व्यवस्थापन लागू भएका वन क्षेत्रमा वैज्ञानिक वनको अवधारणाअनुसार सो सम्बन्धी काम भइरहेको छ कि छैन भन्ने उद्देश्यले सो समितिले स्थलगत अनुगमन गरेको हो । अनुगमनका क्रममा प्रदेशको अर्थ विकास तथा प्राकृतिक स्रोत समितिले पारदर्शीता, इमान्दारिता र दिगोपनाको अवधारणाअनुसार वन व्यवस्थापनको काम गर्न निर्देशन दिएको जनाइएको छ । समितिका सभापति हर्कबहादुर कुवँरले वैज्ञानिक वन व्यवस्थापन लागू भएका वनमा वैज्ञानिक वनको अवधारणाअनुसार काम भइरहेको पाइएको बताउनुभयो । उहाँले कैलाली र कञ्चनपुरमा तीन दिन लगाएर वैज्ञानिक वन लागू भएका क्षेत्रमा गएर समितिले स्थलगत अनुगमन गरेको बताउनुभयो । अनुगमनका क्रममा केही वनमा व्यवस्थापनको कमजोरी देखिएको बताउँदै कुवँरले भन्नुभयो, “धेरै जसो वनमा वैज्ञानिक वनको अवधारणाअनुसार संरक्षण भइरहेको पाइएको छ ।” उपभोक्ताले वनको आम्दानीबाट बाटो, पुल, विद्यालय, खानेपानी, आयआर्जनलगायत विकास निर्माणका क्षेत्रमा लगानी गरेको जनाइएको छ । सङ्घीय सरकारको नीतिअनुरुप लागू भएको वैज्ञानिक वन व्यवस्थापनको अवधारणालाई प्रदेश सरकारले सघाउने समितिले जनाएको छ । –––


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

Video Gallery
  • मेरी बास्सै मेरी बास्सै
  • Video Video